இழப்பு

இரவுபெய்த மழை
ஈரமான வீதி
தாயின் கையை இறுகப்பிடித்தபடி
தெருவை வேடிக்கைபார்க்கும் சிறுமி
அவசரத்தில் எச்சமிட்டபடியே பறக்கும் பறவை
கடைசி நிமிடத்தில் கடந்துபோகும் பேருந்து
அலைபேசியின் திரையையே வெறித்தபடி மனிதர்கள்
எப்போவாவது கிடைக்கும் சன்னலோர இருக்கை
எல்லாமே தினமும் நிகழ்பவைதான் என்றாலும்
அந்த மஞ்சள் வீட்டு வராந்தாவில் தினமும்
கோப்பியும் பேப்பருமாய் இருக்கும்
வயதான பெரியவரை மட்டும்
இன்று காணவில்லை

ஸ் ரீபன்