ஸ்பரிசம்

சிட்டுக்குருவியின் மீதான தொடுதல்
சாத்தியமாகவில்லை இன்றுவரை

அதன் ஒற்றைக்கண்ணுக்குள்
நீண்டு விரிந்து செல்லும் பயம்
எழுதிப்போயிருக்கிறது
கொஞ்சம் விலகியே இரு என்னும்
வார்த்தை

ஆனாலும் இப்போது
கொஞ்சம் நட்பாய்
கொஞ்சம் புரிந்துணர்வாய்
கொஞ்சம் அண்மையாய் வந்து
உணவை கொத்திப்போகிறது

எப்போதோ சில பூனைகள்
அதன் மென்மை விலக்கி
பிராண்டி எறிந்திருக்கலாம்
ஒவ்வொரு இறகுகளும் அதன் வலியை
காற்றில் பதிவுசெய்திருக்கலாம்
எந்த நட்பும் வேண்டாம் என்ற
மறுதலித்தலை அதன் பார்வை
உறுதி செய்கிறது

சிட்டுக்குருவியின்மீதான தொடுதல்
இப்போதைக்கு சாத்தியமில்லையென்றே
தோன்றுகிறது

ஸ் ரீபன்